“شخص قريب ليها بزاف”.. كيم كارداشيان كتهضر لأول مرة على محاولة استهدافها (فيديو)

وكالات//

كيم كارداشيان كتفضح تجربة صادمة فالموسم السابع من مسلسل “The Kardashians”، حسب الإعلان الرسمي اللي خرجاتو منصة “هولو” نهار الأربعاء 1 أكتوبر.

فالفيديو الترويجي، كيم اللي عندها 44 عام، قالت أنها توصلات بـ”مكالمة من المحققين” وقالو ليها:
“كاين واحد الشخص قريب بزاف ليك، هو اللي كان كيبغى يضرك“، وهادشي وسط لقطات باينة فيها كيم وهي داخلة لواحد الطوموبيل سودة، وعليها علامات الخوف والتوتر، وكتحاول تبتعد على الكاميرات.

فالإعلان كيبان حتى مشهد كيم وهي جالسة قدّام الكمبيوتر، باينة متأثرة بزاف، ونازلة براسها، وفنفس الوقت كيندال جينر كتعّلق: “الكل مشدود وعايش توتر“،
وكايلي جينر كاتزيد: “سمعت شي خطوات كتدخل لغرفتي“، فإشارة أن العائلة كاملة كانت عايشة ضغط وخوف.

وفنفس الفيديو، كيبان طوموبيل ديال البوليس وقفات قدام دار العائلة، وكاينين صحفيين وناس كيتفرجو، وكيم كتقول بصوتها:أنا مرعوبة بزاف“ لكن من بعد كتقول: “الحمد لله، فرحانة حيث دازت الأمور على خير“.

إقرأ الخبر من مصدره