كود كازا//
دازت الوقفة الاحتجاجية ديال “جيلZ” فكازا بسلام يوم الخميس 2 أكتوبر، وكانت واحد المسؤولية من المحتجين اللي خارجين يطالبو بإصلاح قطاع الصحة والتعليم والخدمة، وكان السلطات حاضرة لتأمين المرافق العمومية.
https://www.facebook.com/share/v/1Gcbzf7s4j/?mibextid=wwXIfr
وبعدما كانو كايخرجو فدرب السلطان والبرنوص، خرجو المحتجين هذه المرة فـ ساحة ماريشال او الأمم المتحدة وسط الدار البيضاء، وما كانوش غير الشابات والشبان الصغار، ولكن كانو حتى الرجال والعيالات والشياب معهم.
المحتجين طالبو بإصلاح الصحة والتعليم والخدمة وتحسين المستوى المعيشي ديال المغاربة، وشبعو سبان فـ الحكومة وحملوها مسؤولية هذا الشي اللي واقع، وطالبوها بالاستقالة، وفي نفس الوقت طلبو المحتجين من الملك محمد السادس التدخل لحل هذه الأزمة.
المحتجين وحسب الشعارات ديالهم، اكدو انهم كايتيقو غير فـ الملك محمد السادس بوحدو، وقالو: “الشعب يريد تدخل الملك”، وهذا شعار ولاو كايتغناو به فـ كل خرجة ووقفة احتجاجية كايديروها.
الوقفة الاحتجاجية دازت بسلام والمحتجين أكدو على “السلمية”، وانهم متمسكين بدرجة تمسكهم بمطالبهم، وراه كان الطرامواي كايدوز من حداهم بلاما يتعرقل والقهاوي والمحلات حتى هما بقاو حالين وكان الأمور عادية، أما السلطات راه كانو واقفين على شغلهم لتأمين المواطنين وحتى المتظاهرين ولتأمين الممتلكات العامة والخاصة.
