التغيير ما كيبداش بالحوار بل بقرارات تبين حسن نية. كيفاش أمثال هاد الصقلي ما يبقاوش. خرج على “صوريك” وخدمتو ناقصة، طول كثر من لقياس فبلاصتو

كود كازا ////

توقعات نهار لاربعا فاتح أكتوبر 2025، فإطار الدورة الـ16 لمعرض الفرس بالجديدة، اتفاقية – إطار للتعاون بين الشركة الملكية لتشجيع الفرس (صوريك)، والمؤسسة العمومية الإسبانية EXPASA Agriculture et Élevage S.M.E, S.A، المسؤولة عن تربية خيول الـ”كارتوجان “Hierro del Bocado”.

بغاو “تعزيز التعاون في مجال الفروسية”. غير المشكلة هو أن هاداك المدير العام للشركة الملكية لتشجيع الفرس اللي سميتو عمر الصقلي، حشومة أصلا يبقى فبلاصتو.

هادا طول بزاف. نسج شبكة مصالح كثيرة ليه هو ماشي للمؤسسة. شفنا فضيحة الوثائقي اللي دوزاتو “دوزيم” على التبوريدة. كيفاش مجد دويلة بحال قطر وضرب بلادو.

شفنا مشاكل مربيي الخيول معاه. راهم دابا ولاو كيخويو المغرب بسباب هاد السيد.

الصقلي عنوان خلل كبير فالمغرب. قبل ما يمشي خاص مؤسسات الرقابة فالدولة تجي وترصد اش وقع ودير تدقيق فكلشي.

لمغاربة خارجين باغيين ربط المسؤولية بالمحاسبة. باغيين وجوه جديدة. باغيين يساليو مع باك صاحبي. باغيين يطلعو اللي كيستحقو. ما باغيينش أمثال عمر الصقلي.

إقرأ الخبر من مصدره