گود سبور//
قالت تقارير إعلامية إسبانية بلي شيلا إيبانا مامات الدولي الإسباني من اصل مغربي ولاعب البارصا لامين يامال اللي حتى هو من جيل Z، حولت الشهرة ديال ولدها لبروجي د الكوميرس وهذا الشي كايبين الجشحع ديال الآباء وأولياء امورهم وكيفاش ما كاتبقى تبان لهم حتى شي حاجة قدام مصلحتهم ولو على حساب ولادهم وراحتهم.
وحسب موقع “الكونفيدنسيال” الإسباني، فمامات لامين يامال اللي مفارقة مع باه فاجأت كلشي وقررت تنظيم حفلة خاصا فـ لندن، واللي بغا يحضرها خاصو يخلص ما بين 150 إلى 800 أورو، باش يگلس معه فـ طبلة واحدة ويضرب معه تصيورات، وغادي تكون اول حفلة، يوم 7 نوفمبر الجاي بالليل فواحد لوطيل واعر.
اللي كايضحك فـ هادشي هو أن لامين يامال وفاليوم اللي من ورا يوم موعد هاد الحفلة، غايكون عندو ماتش ضد سلتا فيگو فبطولة الصبليون، وهذا الشي كايزيد يبين ان المحيط ديال هذا اللاعب ما معاونوش، حيث الأم حتى هي كاتضرب على راسها كيفما الاب حتى هو گاعما مسوق.