كود الرباط//
كشف حسن خرجوج، الخبير الرقمي، في تصريح ل”كود”، عن معطيات خطيرة حول شبهات في تلاعبات تهم تمويل گروب Gen212 ف ديسكورد، بعدما خرج بلاغ باسم Gen212 كيتبرأ من حساب وموقع كيجمع فلوس بالبتكوين باسم الگروب.
وأوضح خرجوج، ل”گود”، بلي هذا لي كيتهمو كروب جين زيد بلي كيستغل المجموعة وكيجمع فلوس بالتكوين، راه واحد من المؤسسين. وهو لي صايب ليهم ويب سيت.
وحسب نفس الخبير، راه هاد جمع الفلوس ف محفظة رقمية فيه غموض كبير وداكشي مبهم، وممكن يكونو دخلو فلوس كثيرة، واحتمال دابزو واختلفو عليها من الاسباب علاش تبرؤو من واحد فيهم.
المحفظة الرقمية ديال واحد من مؤسسي جين زيد، ممكن توصل ليه فلوس كثيرة، ممكن غير بتكوين وحدة (كتساوي كثر من 60 مليون مغربية) توصلو من اي جهة او من شي طرف خارجي.
حركة “GenZ212” قالت إنها تفاجأت بظهور موقع إلكتروني يحمل اسم “حورية.ما”، يتم استغلال اسم كروب جين212 باش يجمع فلوس.
وأضافت الحركة في بلاغ لها أن لا علاقة لها إطلاقًا بهذه المواقع أو الحسابات المزيفة، وأنها لم تُنشئ أي موقع أو بريد إلكتروني، مشددة على أنها لا تجمع أموالًا ولا تطلب أي تحويلات مالية بأي شكل من الأشكال.