تيكتوكر فرنساوي حكمو عليه بعام ديال الحبس بسبب الضحك الباسل (فيديو)

وكالات//

تحكَم على التيكتوكَر الفرنسي أمين موجيتو، اللي سميتو الحقيقية إيلان م، بعام ديال الحبس، فيه 6 شهور نافذين، حيث دار بزاف ديال المقالب اللي فيها الجدل، وكان كيتصنع بحال إلا كيدير حقنة للناس فالزنقة فباريس.

ALERTE INFO : Amine Mojito, dit « le piqueur fou » qui s’en prenait aux passants avec une seringue vide, condamné à six mois de prison ferme. pic.twitter.com/vVVl0JpNDG

— Wolf (@PsyGuy007) October 3, 2025

هاد الشاب اللي عندو 27 عام ولى معروف بزاف فالسوشيال ميديا، منين بدا كيحط فيديوهات كيبان فيهم كيقرب من الناس فالزنقة وكيتصنع بحال إلا كيدير ليهم حقنة، وهادشي فواحد الوقت اللي كانت الناس خايفة بزاف من الهجمات اللي بحال هكا ففرنسا.

المحكمة لقات إيلان مذنب بتهمة “العنف باستعمال سلاح بلا ما يسبب عجز”، واخا فالحقيقة عمر شي واحد تدارت ليه الحقنة بصح. تأكّد باللي الغطاء ديال الإبرة كان ديما موجود، ولكن التأثير النفسي على الضحايا كان كبير بزاف. بعض الناس تخلعو لدرجة مشاو للمستشفى باش يديروا تقييمات نفسية، حيت ضنّو باللي ممكن يكونو تدار ليهم شي فيروس ولا عدوى.

إقرأ الخبر من مصدره