وكالات//
ناتالي غرابو، اللي عندها 80 عام، برهنت أن العمر غير رقم، بعدما ولات هي أكبر مرا كتكمل بطولة العالم ديال “الرجل الحديدي” اللي كتدار فكُونا، هاواي.
هاد المتسابقة الميركيانية سالات السباق اللي فيه السباحة على 3.8 كلم، والبيكالا على 180 كلم، والركض (الجري) على 42 كلم، فـ 16 ساعة و45 دقيقة و26 ثانية، وربحات فئة F80-84 فالمشاركة العاشرة ديالها فالبطولة.
You can do this
Our oldest female athlete Natalie Grabow about to start her race at the age of 80#IMWC #Kona2025 #IRONMANtri pic.twitter.com/vVe8AeeFmI
— IRONMAN Triathlon (@IRONMANtri) October 11, 2025
ناتالي، اللي ساكنة فولاية نيوجيرسي، تعرفات على رياضة الترياتلون فستينيات القرن الماضي، من بعد سنوات ديال الجري، وتأهلات لهاد البطولة هاد العام بعدما دارت سباق ماريلاند فـ 15 ساعة و53 دقيقة، وولات أول مرا كتكمّل السباق ففئة 75-79 عام.
Age is just a number for Natalie Grabow. At 80 years she becomes oldest women to finish Ironman World Championship in Kona.
[: ironmantri] pic.twitter.com/lY0nYWlxgy
— Star Snap (@StarSnap_1) October 12, 2025
وقبل ما يبدا السباق، قالت ناتالي: “المنافسة زوينة، ولكن الأهم هو الرحلة فحد ذاتها. الناس قلّ ما كيتفكرو النتائج، ولكن كيتفكرو الابتسامة ديالنا والروح الرياضية، وأنا فرحانة حيث شاركت.