كاين الحب اللي كيقتل.. شخص شعل العافية فسطاسيون فلبنان بعدما سمحات فيه صاحبتو (فيديو)

وكالات//

كان واحد العامل ف محطة ديال البنزين ف منطقة الكرك شرق لبنان غادي يدير كارثة كبيرة، ملي شعل العافية ف المحطة اللي خدام فيها، انتقامًا من خطيبتو حيث ما قبلاتوش.

https://www.instagram.com/reel/DP6GL0PErCv/?igsh=cGM3bTVidHduMHN0

فيديو توثق من طرف واحد كان حاضر ف البلاصة، كيبين اللحظة اللي شعل فيها العامل العافية، و كانو رجال الوقاية المدنية و البوليس و حتى زمايلو كيتحاولو يهضرو معاه و يهدّيوه باش ما يزيدش يشعل العافية و يوقع انفجار، ولكن ما بغاش يسمع ليهم.

هاد العامل، اللي عندو جنسية عربية، خدا البنزين و كيبقى يرشّو على العافية اللي كان هو أول من شعلها، باش يخوّف الناس و يهددهم يحرق المحطة كلها.

ولكن الحظ كان مع رجال الوقاية المدنية و البوليس، اللي قدرو يوقفوه بمعاونة ديال الخدامة اللي ف المحطة، و طفاو العافية قبل ما تخرج على السيطرة، فوسط دهشة و صدمة الجميع.
و على حسب الإعلام اللبناني، فالشركة اللي خدام معاها قالت ف بيان أن السبب كان “شخصي”، ولكن مصادر محلية قالت أن البنت اللي كان باغيها خدامة ف سوبرماركت حدا المحطة، و ملي ما قبلاتوش، دار هاد الفعلة انتقامًا منها.

إقرأ الخبر من مصدره