بطل حقيقي.. دري عتق راجل من الموت بعدما طاحت ليه الطوموبيل فواد (فيديو)

وكالات//

فـ واحد المشهد كيحبس النفس، تحوّلات حادثة طاحت فيها طوموبيل ف واد  ف مدينة تايتشو ف الشرق ديال الصين لقصة إنسانية كتحرك المشاعر، أبطالها سائق كان محاصر ف الماء، وراجل قرّر يواجه الخطر بلا ما يتردّد.
و ف فيديو تنتاشر بزاف، باين كيفاش طاحت طوموبيل بشكل مفاجئ ف النهر، وسط صدمة الناس اللي كانو حدا. و مع أن البيبان ديال الطوموبيل كانو مسدودين مزيان، وهادشي صعّب عملية الإنقاذ، واحد الشاب ما تردّدش و نزل للنهر باش يحاول ينقذ السائق.

إنقاذ بطولي في الصين

انتشر على مواقع التواصل الاجتماعي مشاهد توثق لحظة إنقاذ بطولية في مدينة تايتشو بمقاطعة جيانغسو شرقي الصين، حيث سقطت سيارة في مجرى نهر، وبينما كانت أبوابها مغلقة بإحكام، تمكن رجل من كسر فتحة سقف السيارة، وإنقاذ السائق المحتجز داخلها. pic.twitter.com/X78ohBfIhn

— Sputnik Arabic (@sputnik_ar) October 15, 2025

الفيديو كيبين كيفاش الشاب دخل بكل شجاعة وسط الماء و حاول يخرج السائق من الطوموبيل اللي كانت كاتغرق، حيث البيبان ما كيتحلّوش، ما بقى عندو حلّ إلا يكسر فتحة السقف، اللي كانت هي الطريق الوحيد باش يوصل للسائق اللي كان عالق.
ف وسط لحظات خطيرة و مشحونة، قدّر الشاب يجرّ السائق و يخرجوا للبرّ، قبل ما تغرق الطوموبيل كاملة. الفيديو خلق تفاعل كبير ف مواقع التواصل، على هاد التصرف البطولي اللي دار الشاب.

إقرأ الخبر من مصدره