سهام البارودي – كود//
مازال مابغاش يتفهم ليا علاش ماكاينش سيكس شوب واحد فالمغرب فحال فگاع الدول المحترمة، واش كاين شي قانون ؟ واش حيت حشومة ؟ واش شنو بالضبط لي غايقدر يمنع مشروع فحال هذا انه يكون فموروكو مول مثلا و لا بن بطوطة فطنجة و لا الرباط سانتر ، مولات بزاف و محلات كثار و قيساريات لا تعد و لا تحصى و حتى شي وحدة فيهم مافيها واخا غا حانوت ديال جوج متر مربع فيه الألعاب و الأدوات الجنسية.
و هادشي كايخلي طبعا السوق السوداء تزدهر و بنادم يقلب يشري من ماركت بلايص و الانترنيت من عند اشخاص مجهولين و يتعرض للنصب عوض انه يشري من محل محترم بالفاكتورة و بالگارانطي و الدولة تستافد من الضرائب و التي ڤي آ.
علاش ماكاينش سيكس شوب ؟ واش المغاربة مامحتاجينش ؟ أكيد محتاجين و كلشي اصلا محتاج يفرفش حياتو الجنسية ! واش حيت الدولة كاتعتابر داكشي كايخص العلاقات خارج اطار الزواج لي اصلا ممنوعة، الجواب هوا لاّ حيت شحال من كوبل مزوج ماكرهش يغذي الحياة الجنسية ديالو بألعاب و ادوات جديدة و ينوع المتعة.
و الناس الوحيدين لي ماعندهمش شركاء جنسيين؟ و المرضى ؟ و العجزة ؟ و الهجالات ؟ و لي ميتة ليه المرا ؟ كيفاش غايديرو يعيشو حياة جنسية سوية ؟
وا ماشي معقول الدولة باغا تنظم كاس العالم و هي بنادم عندها قاطعين عليه الما و الضّو ! الدعارة غير مقننّة، الثقافة الجنسية ماكايناش، الأمراض الجنسية مستفحلة، لا جبتي صاحبتك للدّار يشدّوك بتهمة الفساد، استمنيتي يدك تشهد فيك يوم القيامة و حتى باش تشري لعبة تفوج بيها على راسك ممنوع. ايوا شنو بايدير الواحد ؟ راه المني قرّب يخرج لبنادم من ودنيه !