وكالات//
حسب ما قالت شي جرائد، النجم توم كروز والممثلة آنا دي أرماس سالاو العلاقة اللي كانت بيناتهم بعدما تعرفو على بعضياتهم غير مدة قصيرة. واحد المصدر قال لصحيفة “ذا صن” بأن الشرارة اللي كانت بيناتهم طفات، وفهمو بأنهم حسن ليهم يبقاو غير صحاب.
قال نفس المصدر: “الشرارة اللي كانت بيناتهم مبقاتش، ولكن مازالين كيتفاهمو مزيان وكيدوزو وقت زوين مع بعضياتهم، وكانو ناضجين فتعاملوهم مع الموضوع. توم وآنا دوزو لحظات زوينة، ولكن العلاقة ديالهم ككوبل سالات. غيبقاو صحاب قراب، ولكن مبقاوش كيتلاقاو كحبيبين”.
توم كروز اللي عندو 63 عام وآنا دي أرماس اللي عندها 37 عام، بانُو مع بعض لأول مرة فشهر فبراير اللي فات فواحد العشاء فـ لندن، ومن بعد بانُو فشي مناسبات رومانسية بحال رحلة فالقارب فإسبانيا وواحد الحفل ديال فرقة “أواسيس” فملعب ويمبلي بلندن، وكانو الناس كينشرو صورهم مع بعض فالسوشيال ميديا.
توم كروز كان مزوّج من ميمي روغرز (1987–1990)، ومن بعد نيكول كيدمان (1990–2001)، وكاتي هولمز(2012–2006).