عثمان الشرقي ـ ݣود//
جا المؤثر العالمي Alexis Omman، اللي كيتابعوه أزيد من 11 مليون متابع على إنستغرام، للمغرب هاد االسيمانة، فإطار الكونسيبت الإنساني ديالو اللي دار ضجة عالمية، واللي كيعتمد فيه على رمي كرة فوق خريطة العالم، والدولة اللي كتجي فيها الكرة كيمشي ليها فعلاً باش يساعد الناس المحتاجين.
الكرة هاد المرة جات فـ المغرب، وفعلاً Alexis جا وتنقل لمنطقة قروية نائية، لقا فيها تلاميذ كيمشيو يومياً أكثر من 15 كيلومتر باش يوصلو للمدرسة، المؤثر ما وقفش يتفرج، ولكن قرر يهدي لجميع التلاميذ بيكالات باش يسهل عليهم التنقل ويشجعهم على الاستمرار فالدراسة.
هادشي غير جزء من المساعدات اللي دارها فدوار، حيثاش دار مبادرات إنسانية أخرى بعيداً على الكاميرا مع الأطفال والساكنة المحلية.