فاسة مقداهم فرحة بفوز أشبال الأطلس بكأس العالم.. بقاو حتى للصبح محتافلين بهاد الفوز التاريخي والحضور النسوي كان نازل بقوة (فيديوهات)

كود سبور///

احتفالات فاسة بفوز المنتخب الوطني المغربي لكرة القدم لأقل من 20 سنة بكأس العالم بقات حتى للساعات الأولى من صباح اليوم الاثنين، وذلك في أهم شوارع العاصمة العلمية اللي بقاو فايقين باش يتابعو الفينال ديال المنتخب المغربي مع نظيره الأرجنتيني.

شارع الحسن الثاني وعلال بن عبد الله عرفوا اختناق مروري بالطوموبيلات اللي خرجو ماليهم يحتافلوا بهاد الفوز التاريخي، وتم إطلاق الشهب الاصطناعية في أهم شوارع المدينة وسط ترتيبات أمنية محكمة لإنجاح هاد الاحتفالات لي دازت فجو زوين.

احتفالات فاسة بهاد الإنجاز التاريخي الهام بدات من داخل المقاهي، قبل أن تنتقل لأهم شوارع المدينة، وكان حتى العنصر النسوي حاضر بقوة فهاد الاحتفالات اللي عرفات حركة السير والجولان اختناق لمدة طويلة لكن كولشي داز زوين وفرحان.

https://www.facebook.com/share/r/1CKcgwCd95/

https://www.facebook.com/share/r/14PctiqTpZX/

إقرأ الخبر من مصدره