كود – وجدة//
عرفت دورة مجموعة الجماعات “الشرق للتوزيع” اليوم الثلاثاء، فوضى كبيرة، بعدما انتفض عدد من الأعضاء – اللي كيتجاوز عددهم 120 – فوجه المكتب المسير، احتجاجا على ما وصفوه بـ“التوظيفات المشبوهة” اللي كتستغل فـحسابات انتخابية وشخصية (وفق فيديو موثق)، وسط غموض كبير كيخيم على تدبير هاد المؤسسة اللي حديثة العهد.
الأعضاء عبّروا عن استنكارهم للغياب المفاجئ للمدير العام الشركة الجهوية للتوزيع للماء والكهرباء، اللي تخلف عن الحضور، فـوقت كيتزايد فيه الغضب من الوضع المتأزم فـقطاعي الماء والكهرباء بعدة مناطق بجهة الشرق، وهو وضع كيتناقض – حسب تعبير المتدخلين – مع التوجيهات الملكية اللي جات فخطاب عيد العرش الأخير، واللي شدد على ضرورة تحسين الخدمات الأساسية للمواطنين.
المدير الجهوي الحالي، اللي كان نائب المدير العام للمكتب الوطني للكهرباء والماء الصالح للشرب، كيتحمّل مسؤولية كبيرة حسب ما أكدو مسؤولين بمجموعة الجماعات ، اللي شددو أن الجهة فيها كفاءات حقيقية خدامة فالميدان وما كتبيعش الوعود الفارغة، وكيتمناو “الله يجيب الخير”.
هاد المسؤول الجهوي كان اصلا مدير جهوي للهرباء فوجدة موراها د رباط وموراها طالع نائب المدير العام، وتشهر بإنه كان من اسباب حراك جرادة.