وكالات//
فاجأت النجمة العالمية تايلور سويفت واحد العائلة الأمريكية منين تبرعات بمبلغ 100 ألف دولار فـ منصة GoFundMe، باش تعاون فـ علاج الطفلة ليلاه سموت اللي كتقاتل مع واحد الورم نادر وخطير كيتسمى ATRT.
الأم كايتلين سموت تصدمات ملي شافت التبرع، من بعد ما كانت شاركات على إنستغرام وتيك توك رحلة علاج بنتها اللي كانت فعمرها عام ونص، وبغات تشارك لحظات ديال الأمل، خصوصاً ففيديو كتّبان فيه الطفلة وهي كتدور وتغني على أغنية تايلور سويفت “Fortnight”.
“I posted a video of Lilah dancing, did not think anything of it, and my husband called me… and said, “Hey, Taylor Swift just donated $100,000 to our GoFundMe.””
Katelynn Smoot, whose two-year-old daughter, Lilah, is battling Stage 4 brain cancer, speaking to @GriffJenkins on… pic.twitter.com/oiMEaXVF17
— StudiGo (@StudiGo_LLC) October 21, 2025
كايتلين قالت: “ما كنتش نصدق أن فنانة كبيرة بحال تايلور سويفت تشوف الفيديو ديالنا وتتبرع لابنتي بهاد المبلغ الكبير. تبرعها كان البداية، وحتى الفانز ديالها ‘سويفتيز’ زادو وساهمو حتى هوما وزادو المبلغ تقريباً للضعف.”
الأم وضحات أن السرطان اللي عند ليلاه نادر بزاف، والعلاج ديالو معقد، فيه جوج دورات ديال العلاج الكيميائي التحفيزي، وثلاث دورات أخرى بجرعات عالية مع إنقاذ الخلايا الجذعية، وزيد عليها ستة أسابيع ديال العلاج الإشعاعي بالبروتون.
لكن المشكل، هو أن بزاف من هاد العلاجات ما كايناش فالمستشفيات القريبة منهم، وكيخصهم يسافرو ويتكلفو بمصاريف كبيرة.