عثمان الشرقي ـ ݣود//
قاعة مسرح محمد الخامس فالرباط غادي تحتضن نهار الاثنين 27 والثلاثاء 28 أكتوبر 2025 عرض جديد بعنوان “ماشا مشمشة باغا دور ف فيلم محاكمة سقراط”، من تأليف وإخراج نبيل لحلو، وبطولة صوفيا هادي ونبيل لحلو.
هاد المسرحية كتخلط بين الفلسفة، الخيال، والسخرية، بحيث البطلة “ماشا مشمشة” كتحاول تلقى بلاصتها ففيلم كيهضر على محاكمة الفيلسوف سقراط، فعمل فني كيمزج بين المسرح والسينما والأفكار بطريقة خاصة بنبيل لحلو المعروفة بالجرأة والتجريب.
الإنتاج مشترك بين فرقة مسرح نبيل لحلو ومسرح محمد الخامس، والإنارة والتصوير من توقيع ماريكازين لحلو، والموسيقى والصوت ديال رضى زنيبر.
العروض غادي تبدا نهار الاثنين 27 أكتوبر مع السبعة ديال الليل، وغادي تكمل نهار الثلاثاء 28 أكتوبر مع الثمنية ديال الليل، فإطار موسم مسرحي واعد بالإبداع والتجديد.
عرض كيبان غادي يفتح النقاش على العلاقة بين الفن والفكر، ويأكد بأن المسرح المغربي باقي فضاء ديال الجرأة والجمال.