كود سبور//
اتافقو الوداد والرجاء الرياضيين على شي حوايج تنظيمية باش يدوز الديربي ما بين الفريقين الأربعاء الجاي برسم الدورة 5 من البطولة الاحترافية، بسلام فستاد دونور.
ودارو الوداد والرجاء والوالي ديال جهة الدار البيضاء سطات محمد امهيدية اجتماع تنسيقي اليوم الاثنين بحضور السلطات الأمنية، بخصوص تنظيم ماتش الديربي، وتم الاتفاق على ان بيبان ستاد دونور غايتحلو مع 4 العصر، اي قبل ما يبداً الماتش بين الفريقين 4 السوايع.
واتفاقو انه إلى ربح شي فريق فيهم الديربي، باش يخرج جمهور الفريق اللي خسر الماتش هو الاول من التيران، ويقى جمهور الفريق اللي ربح حتى يخرج من وراه، والى سالاو تعادل غادي يخرجو الجماهير مع بعضياتهم ولكن شويا وبشويا.