أنس العمري – كود///
روح طاحت هاد الليلة فكازا. فقبل قليل من مساء اليوم الاثنين، وقعات جريمة قتل بشعة فمنطقة الحي الحسني، حيث تمت تصفية شاب بطريقة صادمة على يد “ولد دربهم” فحي رياض الراحة.
المعطيات الأولية كتقول إن الشابين، واحد من مواليد 1997 ولاخور من مواليد 2000، دخلوا فخلاف بسيط تحول لمضاربة، سلات بطعن الجاني الضحية بسكين فكرشو.
الضحية فارق الحياة فطريقو لمستشفى الحسني، متأثرا بالإصابة الخطيرة اللي تعرض ليها.
وفور إخطارها بالحادث، طوقات عناصر الأمن مكان الجريمة وبدات فملاحقة الجاني المفترض اللي هرب من البلاصة بعد ما ارتكب جريمتو.