ماشي مشهد من فيلم.. بوليسي هندي عتق مرا من الموت فتران (فيديو)

وكالات//

عتق بوليسي هندي مرا من الموت المحقق بعدما كانت غادي تموت تحت عجلات القطار، فواحد الفيديو اللي تشهر بزاف وجاب مئات آلاف المشاهدات فمواقع التواصل الاجتماعي.

https://www.instagram.com/reel/DQazOexlWS_/?utm_source=ig_embed&ig_rid=d777d5db-f1a7-453c-950d-80adbe939df5

القصة بدات منين المرا كانت كتجري باش تطلع فالقطار اللي كان بدا يتحرك، ولكن تزلقات رجليها وطاحت تقريباً تحت العجلات.

بالصدفة، كان الشرطي اللي خدام فالمحطة كيراقب الأمن، شافها وبسرعة جرى ليها فثواني قليلة، ودفعها للرّصيف وأنقذها قبل ما القطار يدوز عليها، وسط الصدمة ديال الناس اللي كانو كيتفرجو.
من بعد، جاو الناس كيجريو باش يطّمنو عليها، وهي فاقت وعدّلات حوايجها، وطمّنتهم باللي راها بخير، وشكرت الشرطي اللي أنقذ حياتها من الموت.
القضية لقات تفاعل كبير فالإنترنت، بزاف ديال الناس شكرو الشرطي على الشجاعة ديالو وسرعة التصرف، وشي آخرين قالو خاص المسافرين يلتازمو بمواعيد القطار باش ما يتعاودوش بحال هاد الحوادث.

إقرأ الخبر من مصدره