كود سبور//
رجع الدولي البلجيكي روميلو لوكاكو يتدرب مع منتخب بلادو بلجيكا ولكن باقي ما تأكدش وشا غادي يلعب ضد المنتخب الوطني المغربي الأحد الجاي، فالماتش ديال الجولة الثانية من كأس العالم قطر 2022.
وكشف مدرب منتخب بلجيكا روبيرتو مارتينيز اليوم الخميس، بلي روميلو لوكاكو تدرب مع منتخب بلادو، وقال فتصريح لشبكة “rtbf” ، بلي المهاجم البلجيكي كان مع لكروب فالتداريب وبلي هاد الحصة كتبقى لمراقبة اللعاب..
وبخصوص مشاركة لوكاكو فالماتش الجاي ضد المنتخب الوطني المغربي قال مدرب بلجيكا: “ما كنظنش بلي غادي يبدا الماتش ضد المغرب من الأول، المهم دابا راه حالتو مزيانة وراني فرحان حيت سفتو كيتدرب”.
Laisser un commentaire