گود سبور//
بدا المنتخب الوطني المغربي لأقل من 17 عام، بطل أفريقيا المشاركة ديالو فـ مونديال U17 فـ قطر بخسارة فـ الماتش الأول.
المنتخب الوطني المغربي تحت قيادة المدرب نبيل باها خسر بنتيجة 2 لزيرو مع منتخب الجابون، فـ تيران أكاديمية اسباير بالعاصمة القطرية الدوحة، مع العلم أن الجمهور المغربي اللي حضر الماتش كاين فيه اللي تعذب باش ياخد التيكي وكاين اللي مشى حتى للتيران وما دخلش حيث ما لقاش التذكرة.
وبهذه النتيجة بقات عند المنتخب الوطني المغربي زيرو نقطة، والجابون خداو 3 نقاط، في انتظار نتيجة الماتش الثاني بين البرتغالي وكاليدونيا الجديدة عن نفس المجموعة اللي بادي دابا بين المنتخبين، مع العلم أن المنتخب المغربي لاعبين الماتش الثاني ضد البرتغالي الخميس الجاي.