وكالات//
هاد القصة وقعات فمطار تان سون نهات الدولي فـ فيتنام، فين واحدة الراكبة دارَت فوضى كبيرة عند باب الطيّارة، حيت ما بغاتش تسجّل الصك د اليد ديالها اللي كان تقيل بزاف، ودخلات فمشادّة قوية مع موظّفين شركة الطيران، وسط دهشة المسافرين.
المقاطع اللي كيدورو فالسوشيال ميديا كيبينو الراكبة وهي كتغوّت وكتضرب الأرض برجليها، وما بغاَتش طبق التعليمات ديال الأمن، والناس اللي كانو حدّاها – خصوصاً الدراري الصغار – بقاو مشدوهين كيشوفو.
https://www.instagram.com/reel/DQgH1CcDwQC/?utm_source=ig_embed&ig_rid=0145bf2c-f4b2-4a39-8ee9-b4d6f7515f6b
التقارير المحلية قالت باللي الوزن ديال الحقيبة وصل تقريباً لـ21 كيلو، يعني قريب من الوزن ديال الشُنط اللي كيتسجلو فالأمتعة (حوالي 23 كيلو). ولكن شركات الطيران، خصوصاً الرخيصة، كتشترط أن الحقيبة اللي كتطلع معاك للمقصورة ما تفوتش 7 حتى 10 كيلو.
الموظفين قالو ليها خصّها تشحن الحقيبة وتخلّص الرسوم، ولكن هي شدّات فراسها وما بغاتش، وبدات كتصرخ، وهاد الشي خلى الوضع يتوتر بزاف حتى تدخل الأمن باش ينظم الأمور ويخلي الناس يطلعو فالطيّارة.