كود كازا ///
فضايح كثيرة كيديرها هاد “اكديطال” والباطرون ديالو رشدي طاليب. شي تينك تانك غير معروف سميتو “شوازيسول افريكا” دار هاديك التخربيقة ديال 100 قائد شاب فافريقيا ودخل فيهم شي ولد سميو الياس الحارثي ومنصبو مدير عام منتدب فالمجموعة، ناضت “اكديطال” دارت بيان فرقاتو على صفحات المجموعة اللي غادي ويتزادو لمغاربة اللي ما كيحملوهاش، فوسائل التواصل الاجتماعي. طبعا باشراف شي غبي عندهم فالتواصل مع شركة مكلفة بالعلاقات العامة سمعتها خايبة فالمغرب.
نبداو بهاد التخربيقة ديال 100 قائد. كنعرفو كيفاش كتوجد. كنعرفو مجلات كبرى فالعالم كيديروها وخاصك تخلص باش يديروك. يعني لكذوب وصافي
ماشي هادا موضوعنا. حنا موضوعنا هو مضمون البيان, كتبو فهاد البيان بوقاحة باللي هاد التتويج كيسلط الضوء على التزام هاد الطفل فخدمة تطوير “اكديطال” تحت قيادة ورؤية الرئيس المدير العام رشدي طاليب”. اييه طبعا كتبو فالفرنسية
sous l’impulsion et la vision du PDG Dr. rochdi talib
هادي عبارة ديال “قيادة” كتوضح بزاف فبيانات عندها علاقة بسيدنا. فالمغرب ما عمر شي حد دارها. لملايرية لكبار ما عمرهم داروها.
“اكديطال” اللي تفضحات فالبرلمان البارح من قبل الحموني ديال التقدم والاشتراكية والسنتيسي ديال الحركة الشعبية مشات بعيد فتخربيقها
https://www.facebook.com/reel/1319303032852517/?mibextid=wwXIfr&share_url=https%3A%2F%2Fwww.facebook.com%2Fshare%2Fv%2F14SrnPvstec%2F%3Fmibextid%3DwwXIfr&rdid=m2X8f6ETZDvlRcvT
https://www.facebook.com/reel/1519381742606777