وكالات//
وقعات حادثة صادمة فواحد الثانوية فولاية تينيسي فأمريكا، حيث واحد التلميذة هجمت على الأستاذ ديالها برشاش ديال غاز الفلفلة وسط القسم، منين خاد ليها التليفون ديالها.
السلطات أكدو باللي التلميذة اللي سميتها كايلا سميث وعندها 18 عام، رشات الأستاذ كاليب بيتس بهاد المادة اللي كتدير الحريق فالعينين، وهاد الشي تيبان ففيديو تشهر بزاف فالسوشيال ميديا وخلق نقاش كبير على تصرفات التلاميذ وضرورة تشديد الانضباط فالمدارس.
من بعد الحادث، تشدات كايلا سميث وطردوها من المدرسة، ودابا كتواجه تهم جنائية ديال الاعتداء. وهاد المرة ماشي الأولى اللي يتعرض فيها الأستاذ بيتس للاعتداء، حيث حتى قبل شهرين تعرض لهجوم من تلميذ آخر منين شدّو كيغش فالامتحان. وهاد الشي كيبين المشاكل اللي ولات كتواجه المعلمين باش يحافظو على الأمان والنظام فالمدارس.
A disturbing video from Antioch High School in Nashville shows 18-year-old student Kayla Smith pepper-spraying her teacher, Caleb Bates, after he took her phone during class. She was arrested right after the incident for assault.
What makes it even worse is that this wasn’t the… pic.twitter.com/vBudBgcM0x
— aka (@akafaceUS) November 9, 2025
وفحادث آخر وقع فـ31 أكتوبر، فريق الكرة ديال المدرسة اضطر يتنازل على ماتش بسبب خروقات لقواعد السلوك، حسب ما قال مدير المدرسة جون جيمنو.
وقال جيمنو فـرسالة للمجتمع المدرسي: “مع أن القانون ما كيسمحليش نشارك تفاصيل كثيرة، نقدر نأكد باللي الحادث كان فيه بعض لاعبي الفريق الجامعي.”
وكاين حتى فيديو آخر كيبين مراهق كيتعرض للعنف داخل غرفة الملابس من طرف لاعبين فالفريق.