البوليس ديال ميريكان شدو دري صغير كتب رسالة هدد فيها بقتل دراري كيقراو معاه (فيديو)

وكالات//

شدو البوليس  فولاية فلوريدا واحد طفل عندو 11 عام، بعدما اتّهموه بأنه كتب “لائحة ديال القتل” فيها أسامي ديال صحابو فالمدرسة، فمركز هايبانكس التعليمي فمدينة ديلتونا.

وحسب صحيفة “ذا إندبندنت”، ما بغاوش يكشفو على هوية الطفل حيت باقي صغير، ولكن كيتابع بتهمة جنائية عندها علاقة بتهديد مكتوب بالقتل. ونائب مدير المدرسة أكّد أن الطفل ما كانش عندو حتى سلاح ملي شدّوه.

https://www.instagram.com/reel/DQ-kGIKiZgT/?utm_source=ig_embed&ig_rid=f6c6672e-965b-4317-bf18-8d4fd7f6188f

وتنشر واحد الفيديو لي كيبان فيه اللحظة لي خرجو فيها الطفل من الطوموبيل ديال البوليس وهو مصفّد فديه وكيسوّقوه لزنزانة الاحتجاز، وسمّاوها السلطات “مشية الجاني”.

وقالو المسؤولين أن نقص التهديدات المدرسية فهاد المدة ما كيعنيش يتساهلو، وأي تهديد غادي يتواجه بإجراءات قانونية صارمة.

إقرأ الخبر من مصدره