مؤشر مزيان.. اشرف حكيمي رجع يتريني لأول مرة بعد الإصابة

كود سبور//

رجع الدولي المغربي اشرف حكيمي نجم باريس سان جرمان الفرنسي كايتريني، وهذا الشي بعد 10 تقريبا من الإصابة ديالو فـ الشوفيا اللي كاتهدد مشاركتو مع المغرب فـ كاس افريقيا.

https://www.facebook.com/share/r/1JWFAWWy4Z/?mibextid=wwXIfr

اليوم السبت دار اشرف حكيمي خطوة مهمة باش يرجع للتيرانات، وبدا كايتريني لأول مرة ملي توعت ودار حصة تدريبية فـ لاصال باش فيزيكمون يبقى الجسم ديالو متماسك وقوي وكان داير لبروطيج فـ الرجل اللي موعت فيها، وهذا مؤشر مزيان على اللاعب يقدر يرجع دغيا يلعب، في انتظار الأسابيع المقبلة وقرار الطاقم الطبي ديال باريس سان جرمان والطاقم الطبي للمنتخب المغربي.

للإشارة فـ مدة غياب اشرف حكيمي هي ما بين 6 حتى 8 السيمانات حسب ما كشف عليه الإعلام الفرنسي، حيث باريس سان جيرمان قالو عادي يبقى يرتاح ويتعالج لأسابيع وما حددوش المدة، واللاعب والمغرب كامل باغيه يلعب كاس افريقيا مع المنتخب الوطني من هنا لشهر.

إقرأ الخبر من مصدره