كود الرباط ////
البارح نشر اليوتوبر حميد مهداوي مقتطفات من مداولات مثولو امام لجنة الأخلاقيات التابعة ل”للجنة المؤقتة لتسيير شؤون قطاع الصحافة والنشر”.
الفيديو قدمو اليوتوبر كدليل على استهدافو وسحب البطاقة المهنية منو. المشكلة هاد الفيديو نشر مداولات داخلية وتم السطو عليه ومن بعد تنشر.
حسب مصدر من هاد اللجنة ل”كود” فاعضاء اللجنة كيداولو الخطوات اللي غادية ديرها. امكانية تقديم شكاية واردة لان الفعل جنائي وخطير
فهاد الفيديو كنسمعو رئيس اللجنة محمد السلهامي عاير مهداوي. فهادي كاين مشكل. اللي كيعرف هاد الصحافي ماشي معجمو ولا كلامو. حتى اللي حضرو كيقولو ما سمعوش هاديك الكلمة. هاد الشي كيعني باللي ممكن يكون دخل المونتاج.
دابا هاد اللجنة خاصها دير تحقيق داخلي وتشوف شكون سرب الفيديو وراه محتمل جدا النيابة العامة تفتح تحقيق. راه الرئيس المنتدب للمجلس الاعلى للسلطة القضائية محمد عبد النباوي حتى هو تجبد