منهم كريستيانو وميسي.. هادو اللعابة لي مشاركين في كأس العالم لآخر مرة

وكالات //

من غير كريستيانو رونالدو وليونيل ميسي، كاين بزاف ديال لعابة لي غادي يشاركو للمرة الأخيرة في كأس العالم في هاد الدورة لي كاينة في قطر.

ومن بين هاد لعابة كاين اللعاب لبرازيل نيمار لي وصل 30 عام ولي علن أن مونديال قطر غادي يكون آخر كأس عالم غادي يلعبو في مسيرتو الكروية.

لوكا مودريتش لي وصل لـ37 عام غادي يكون من المستحيل يشارك في كأس العالم لي جاي حيت عمرو غادي يكون فايت 40 عام، ومن المتوقع باش يعتزل بعد مونديال قطر.

الهولندي روبرت ليفاندوفسكي لي وصل 34 عام حتى هو من المرجح باش يلعب مونديال قطر آخر مسابقة دولية في مسيرته الكروية.

لويس سواريز لاعب منتخب الأوروغواي حتى هو غادي يلعب مونديال قطر آخر كأس عالم يشارك فيه، لأن المونديال لي جاي غادي يلقى عمره 39 عام.

وغادي يكون لاعب منتخب الويلز غاريث بيل لي عندو 33 عام من بين اللعابة لي المتوقع أنه يلعب آخر كأس عالم في مسيرته الكروية.

نجم بايرن ميونيخ ومنتخب ألمانيا مانويل نوير لي هو واحد من أفضل حراس المرمى في العالم حتى هو غادي يعتزل مباشرة بعد المونديال.

إقرأ الخبر من مصدره