متسابقة ديال ملكة جمال الكون طاحت فوق المسرح وهزوها للسبيطار (فيديو)

وكالات//

شهدات الجولة التمهيدية ديال مسابقة ملكة جمال الكون فبانكوك واحد الحادثة مؤلمة، منين طاحت المتسابقة ديال جامايكا غابرييل هنري من فوق المنصة بشكل مفاجئ، وهادشي خلق صدمة عند الحاضرين والمشاهدين فالعالم كامل، حسب ما نقلاتو صحيفة “نيويورك بوست”.
ومنين كانت هنري كتقدّم بثقة فوق المنصة بفستان برتقالي برّاق، تعكلات وطاحت قدّام الكاميرات، وهزوها مباشرة لسبيطار “باولو رانغسيت” فتايلاند. ومن بعد، أكدت منظمة ملكة جمال جامايكا أنها ما عندها حتى إصابات خطيرة، وحياتها ماشي فخطر، ولكن غادي تبقى تحت مراقبة طبية دقيقة فالساعات الجاية.

| Miss Jamaica, Gabrielle Henry, sufrió una fuerte caída durante su presentación en traje de noche en la preliminar de Miss Universo. La concursante tuvo que ser retirada en camilla del escenario tras el incidente.

https://t.co/n1X294Dsgj pic.twitter.com/V63Dzd8AO9

— LA PRENSA Nicaragua (@laprensa) November 19, 2025

وفي بيان رسمي، قالت المنظمة: “الفريق الطبي كيتابع حالتها وكيدير جميع الفحوصات اللازمة باش تبرّى مزيان. كنطلبو من الجميع يدعي معاها ويرسل ليها طاقة إيجابية فهاد الفترة ديال التعافي”.
من جهتو، أكّد راؤول روشا، مالك منظمة ملكة جمال الكون، أنه كان حاضر مع عائلتها فهاد اللحظة، وقال بأنها “كاتلقى رعاية طبية ممتازة”، وغادي تبقى تحت المراقبة طوال الليل باش يتأكدو بأن حالتها مستقرة.
وهنري ماشي غير متسابقة فجمال، بل شخصية ملهمة خارج هاد المجال، حيت هي طبيبة عيون ومؤسِّسة جمعية كدافع على حقوق الناس اللي عندهم إعاقات بصرية فجامايكا، وهادشي خلا الحادثة أكثر تأثير على جمهورها. ورغم أن المشاركة ديالها فالدور النهائي اللي مقرر الجمعة باينا ضعيفة، إلا أن التعاطف كان كبير معها، وكاين اللي كيتمنا ترجع قريبا وبصحة جيدة، سواء للمسابقة ولا لحياتها العادية.

إقرأ الخبر من مصدره