عائلة عثمان معمَّا : السپُور سلالة من العمة للخالة

عثمان الشرقي – كود سبور//

عائلة معمَّا كتشكّل واحد من الأعمدة اللي واقفة عليها الذاكرة الرياضية والتراثية فمدينة الخميسات، خصوصاً فمنطقة “قبليِّين” اللي معروفة بالرياضة والتبوريدة ، عائلة معمَّا عندها مسار رياضي متميز سوا فالكورة او العدو او حتى التبوريدة .

القصة كتبدأ مع عمر معمّا، الأب ديال عثمان، اللي بدا مسارو فالكرة مع الاتحاد الزموري للخميسات ومن بعد انتقل للجيش الملكي ، فبل ما ينتقل من التيران للمحرك ديال الخيل ، باش يتعرف حتى فميدان التبوريدة بعدما عرفاتو الجماهير الزمورية فالكورة ، التبوريدة تيقول عمر انه ورتها على الاجداد ديالو وأنها عندها قيمة كبيرة فمنطقة الخميسات ، عمر معمّا كيتعتابر من المقدمين اللي كيحافظو على هاد الفن الأصيل. ماشي غير فالمغرب، ولكن حتى ففرنسا، فين كيترأس جمعية أبناء المهجر لفرسان التبوريدة، وكيقدّم السربة ديالو فمحافل دولية، حيث ولى واحد من الوجوه اللي كيمثل المغرب برا بطريقة مشرّفة.

وسط هاد عالئلة كنلقاو حتى فاطمة معما، الأخت ديال عمر والعمة ديال عثمان، اللي عطات فالرياضة النسوية وقدرات تفرض راسها فالعدو الريفي والعاب القوى. فاطمة نموذج للمرأة الزمورية اللي شقات طريقها وقدرات تربح البطولة العالمية العسكرية، وولات فخر للمدينة وللمنطقة كاملة.

أما عثمان معما، فكبر وسط هاد الأجواء الرياضية لي خلاتو يلعب مع مونبلييه الفرنسي. ويربح جائزة أفضل لاعب فـ كأس العالم للشباب 2025 مع المنتخب المغربي لي تالق معه وربح كاس العالم ، عثمان كيتميز بمهاراتو الفنية وسرعتو لي خلات بزاف ديال الأندية الأوروبية الكبيرة بحال ريال مدريد تراقبو.

إقرأ الخبر من مصدره