تعدا على المغنية أريانا غراندي.. سنغافورة جرات على أنفليونسور مشهور من البلاد (فيديو)

وكالات//

رحّلات السلطات ديال سنغافورة واحد الراجل أسترالي من بعد ما تجاوز الحواجز الأمنية وشدّ النجمة الأميركية أريانا غراندي فالعرض الآسيوي الأول ديال فيلم Wicked: For Good  نهار 13 نونبر. وقرّرات السلطات حتى تمنعو يدخل لسنغافورة نهائياً، حسب ما أعلنت هيئة الهجرة ونقاط التفتيش.

This is assault. Touching, and grabbing people without their consent is assault. Ariana Grande was assaulted and the person who did it thinks he’s cool for doing it. I’m so fucking livid. The entitlement of “fans”is grotesque.

I’m glad Cynthia Erivo was there, I’m glad… pic.twitter.com/4JFfJE0mpU

— 𝙻𝚎𝚊𝚟𝚎𝙷𝚎𝚊𝚛𝚍𝙰𝚕𝚘𝚗𝚎 (@LeaveHeardAlone) November 13, 2025

وحسب بي بي سي، تحكَم على هاد الشخص اللي سميتو جونسون وين وعندو 26 عام، بتسعة أيام ديال الحبس من بعد ما اعترف بتهمة إثارة الفوضى فمكان عام. وكتقول التقارير باللي هو اندفع نحية غراندي ودفع المصورين على جنب، قبل ما تتدخل الممثلة سينثيا إريفو اللي مشاركة فالفيلم، وتبعدو، وداك الساعة تسرّعو رجال الأمن باش يسيطرو عليه.

وقالت وسائل إعلام محلية باللي وين حاول يخترق الحواجز جوج دالمرّات فداك الحدث. ومن بعد ما سيطرو عليه، خرج هو فالفيديو كيشكر غراندي حيت “خلاتو يطلع للسجادة”، وكأنه ما دار حتى شي خطأ. وتم اعتقالو فالنهار اللي من بعد.

القاضي كريستوفر غو وصف التصرفات ديالو بأنها غير محاولة باش يبان ويشدّ الانتباه، وأكّد أن المتهم كان غلط إلا كان كيتصور أنه غادي يفلت من العقاب. الحادث خلق موجة كبيرة ديال الغضب فسنغافورة، وكثير من الناس عبّرو على القلق ديالهم من التأثير النفسي اللي يمكن يتسبب فيه هاد الشي لأريانا غراندي.

إقرأ الخبر من مصدره