كود ـ العرائش//
علمت “كود” أن إقليم العرائش عرف، مساء اليوم الاثنين 24 نونبر، حادث مؤلم فالطريق بين جماعة القلة ومدينة العرائش، بعدما لقات المفتشة المسماة قيد حياتها “صفاء.ز”، اللي كانت من قبل فمديرية التعليم بشفشاون، الحتف ديالها ، وتصابت زميلة ليها بجروح متفاوتة الخطورة إثر انقلاب سيارة المصلحة وهما راجعات من مهمة ميدانية.
وحسب مصادر تربوية، هاد الأطر التعليمية كانو فخرجة ميدانية فإطار مهام التتبع والتأطير التربوي، لكن فظروف مؤلمة تقلبات بهم السيارة بشكل مفاجئ فذاك المقطع الطرقي المعروف بخطورته.
هاد الحادث خلى صدمة كبيرة وسط أسرة التعليم فالعرائش وحتى فشفشاون، حيث عبر عدد من الأطر التربوية على حزنهم العميق لوفاة المفتشة المذكورة، اللي كانت معروفة بالكفاءة ديالها وبالتفاني ف خدمتها خلال السنوات اللي دوزات فالميدان. أما زميلتها، ف تم نقلها على وجه السرعة للمستشفى من أجل تلقي العلاجات الضرورية.
السلطات المختصة فتحات تحقيق باش تحدد الأسباب والملابسات الحقيقية ديال هاد الحادث الأليم.