گود سبور//
كشفت جريدة “ليكيب” الفرنسية أن النجم المغربي أشرف حكيمي لاعب باريس سان جرمان الفرنسي تايق فـ راسو بلي غادي يشارك مع المنتخب الوطني المغربي فـ كأس إفريقيا من الأول ديالها فـ ماتش الافتتاح ضد جزر القمر، يوم 21 ديسمبر الجاري.
وبالمقابل قالت الجريدة الفرنسية، إن باريس سان جرمان، كايشوفو أنه من الأحسن التعامل بواحد الحذر ويردو البال مع أشرف حكيمي، وأنه مازال ما غاديش يكون واجد 100% فـ اللول ديال كاس إفريقيا.
وقدر أشرف حكيمي يرجع يتريني فـ لاصال مع باريس سان جرمان، والبارح الثلاثاء تدرب على رجليه وكان لابس سبرديلة وكايجري فـ طابي رولو.