گود سبور//
أكد الاتحاد الدولي لكرة القدم، الخبر اللي كان نشراتو “گود” في وقت سابق، بخصوص أنه قرر يخلي الأندية شاد اللاعبين ديالها المشاركين فـ كاس إفريقيا للأمم حتى تبقى 6 أيام على انطلاق المسابقة، وأعلن اليوم الأربعاء أنه حدد هذا الموعد يوم 15 ديسمبر الجاري.
وفـ بلاغ له قال الاتحاد الدولي لكرة القدم، إنه وبعد مشاورات مثمرة دارها مع الجهات المعنية الرئيسية، وبفضل روح التضامن اللي بينها الاتحاد الأفريقي لكرة القدم، للحد من التأثير على مختلف الأطراف، تم اتخاذ قرار بشأن السماح الإلزامي للاعبين للمشاركة فـ كأس الأمم الأفريقية 2025، اللي غادي تكون فـ المغرب من 21 ديسمبر 2025 إلى 18 يناير 2026، وتماشيًا مع المبدأ نفسه المُتبع في كأس العالم FIFA 2022، غايتم تقليص مدة السماح للاعبين بالالتحاق بمنتخباتهم ابتداء من يوم الاثنين 15 ديسمبر 2025.
الفيفا قالو إنهم قررو تشجيع الاتحادات الوطنية المشاركة فـ كأس الأمم الأفريقية 2025 والأندية ممكن تخلي اللاعبين ديالها يمشيو للمنتخبات الافريقية قبل هذا الموعد باش يديرو مفاوضات ثنائية باش يلقاو حلول فردية مناسبة لهم بخصوص هاد اللاعبين، أما إلى ما تفاهموش راه غايطبق قرار موعد 15 ديسمبر 2025 باش الفراقي يخليو اللاعبين ديالهم يمشيو لمنتخباتهم اللي غادي تشارك فـ كاس إفريقيا واللي غادي تبدا يوم 21 ديسمبر 2025.