الجزائر: الصحافي الفرنسي كريستوف گليز باقي فالحبس… وحكم السبع سنين ديالو تأكد فالإستئناف

کود -وكالات //

نهار الأربعاء 3 دجنبر، المحاكم فالجزائر صادقات على حكم بالسجن 7 سنين على الصحافي الفرنسي كريستوف غليز، وهادشي خلاه ما يتحررش فهاد الشهر كيف ما كانت طامعة  العائلة والمحاميين ديالو، هاد الحكم يقدر يزيد يعقد العلاقات اللي كتحاول تتحسن بين باريس والجزائر.

محكمة الاستئناف فتيزي وزو بقات على رأيها وقررت تأكد الحكم بالسجن 7 سنين على كريستوف غليز، اللي تعرّض للحبس في يونيو/حزيران الفايت بتهم “الترويج للإرهاب” و”حيازة منشورات لأغراض دعائية”، وهادشي معناه أنه ما غاديش يكون مؤهل للإفراج السريع.

المحاكمة بداوها مع التسعود ونص صباحاً وسالات  غالخمسة ونص دالعشيىة، وحضر فيها المحامي الفرنسي إيمانويل داود والجزائري عميروش باكوري، والوالدين ديالو اللي قالو أنهم “مدمرين”، وشريكو كيفن لامور، الرقم 3 فالاتحاد الدولي لكرة القدم (فيفا). لكن مع هاد الحضور، كان قليل المؤشرات اللي كتدل على أنه الحكم غادي يتبدل.

السلطات الجزائرية مؤخراً سمحات بعدة زيارات للمعتقل، من ضمنها زيارات للعائلة، لكن القرار النهائي ديال المحكمة خلا كريستوف غليز باقي مسجون ومازال القضية كتأثر على العلاقات الدبلوماسية بين فرنسا والجزائر.

سبب اعتقال كريستوف غليز حسب المحكمة الجزائرية هو “التورط فأنشطة تُروّج للإرهاب”، إضافةً إلى “حيازة ونشر منشورات دعائية” كتعتبرها السلطات مخالفة للقانون. الصحافي كان كيغطي أحداث ومواضيع حساسة فالقارة الإفريقية، خصوصاً كرة القدم، لكن السلطات شافت فهاد التغطية نشاطات تهدد الأمن القومي، وهاد الشي اللي خلا الحكم قاصح عليه.

إقرأ الخبر من مصدره