وكالات//
تصابو ثلاثة ديال البوليسيين ف مدينة أوماها لي فـ ولاية نبراسكا فـ ميريكان، وواحد المشتبه به تقتل نهار الأربعاء ف تبادل القرطاس لداخل ديال محطة ديال المازوط.
قائد ديال البوليس، تود شمادرار، قال بلي هاداك المشتبه به، لي عمرو فـ العشرينات، كان قَبْلْ ضرب بالقرطاس واحد الراجل (عمرو 61 عام) داخل حانوت ديال التِّقْضية تقريبا مع نص النهار، وصابو بزاف ديال الرصاصات فـ صدرو.
مقتل مسلح وإصابة ثلاثة ضباط في تبادل إطلاق نار بولاية #نبراسكا الأمريكية
التفاصيل: https://t.co/WZHhsthCV9#إرم_نيوز #أمريكا #Nebraska pic.twitter.com/uKgOqXKYNS
— Erem News – إرم نيوز (@EremNews) December 4, 2025
البوليس قدرو ياخدو رقم البلاكة ديال الطوموبيل ديال المشتبه فيه من بلاصة الحادثة، وتَّبْعُوه حتى وصلو لـمحطة المازوط.
وزاد شمادرار بلي الضباط شافو المشتبه به نزل ودخل لـ المرحاض، ومِنْ بعد خرج وبدا كيضرب بالرصاص على البوليس.
جوج ديال الضباط تصابو مباشرة، والثالث تصاب بـ الشظايا. البوليس ردو عليه بالرصاص، وهو باش تقتل المشتبه به.