كود سبور//
وصل الدولي المغربي عبد الصمد الزلزولي لرقم مهم فـ عدد الماتشات مع الفريق ديالو ريال بتيس.
عبد الصمد الزلزولي كمل فـ الماتش اللي لاعب دابا مع ريال بتيس من اليوم السبت ضد البارصا برسم منافسات بطولة الصبليون، الماتش رقم 100 مع الفريق الإشبيلي ولغرابة الصدف هذا المناسبة كاتجي مع ماتش البارصا الفريق الأم ديال عبد الصمد الزلزولي اللي فيه تعلم الكورة ووصل للاحتراف.
ريال بتيس كرمو عبد الصمد الزلزولي قبل ما يبدا الماتش ضد البارصا، وعطاوه توني د الفريق مكتوب فيه 100، وهذا الشي راه مهم بزاف معنويا للاعب اللي غادي يشارك مع المنتخب الوطني المغرب فـ كاس افريقيا من هنا لـ15 يوم.