برونو رئيس حزب الجمهوريين ففرنسا: الحجاب ماشي غير شرويطة هو درابو سياسي بأيديولوجية إسلامية (فيديو)

كود -BFMTV //

برونو ريتايّو، الرئيس ديال حزب الجمهوريين ووزير الداخلية السابق ففرنسا، كان ضيف فبرنامج «En Campagne» على قناةBFMTV، نهار 6 نوفمبر 2025، هضر على زيارة مدرسية للبرلمان الفرنسي، واللي فيها شاف بنات محجّبات فالمدرجات ومعجبوش الحال، فهاد الحوار ريتايّو عطا تصريحات اعتابروها بزاف ديال الناس  إسلاموفوبية، ودافع على منع الحجاب فكل الفضاءات العمومية، بما فيها الخرجات ديال المدرسة والجامعات.

مناسبة هاد الهضرة كانت على قبل بنات محجّبات اللي عرض عليهم الوزير مارك للبرلمان، ريتايّو قال باللي «الحجاب ما خاصوش يكون فالبرلمان». وكمل بالقول: «لي كايحساب ليه باللي الحجاب غير شرويطة راه غالط».

وزاد صرّح: «الحجاب شعار، ماشي غير ديني ولكن سياسي، ديال أيديولوجية إسلامية»، وزاد باللي هاد الرمز الهدف ديالو هو «يبيّن تدني المرأة» و«رفض الاندماج فالمجتمع الفرنسي».

وفي الأخير، ريتايّو طلب منع الحجاب: «فالخدمات العمومية، الجامعات، المباريات الرياضية وݣاع النشاطات المدرسية خارج المدارس».

كلام الوزير السابق نوض صداع ففرنسا بين لي اعتبر أن الحجاب حرية شخصية معندش شي حد الحق يتدخل فيها وبين لي كيقول خاص احترام المبادئ العلمانية للجمهورية لي كتقوم على التحرر وحصر الرموز الدينية فإطارها الخاص.

إقرأ الخبر من مصدره