خبار خايبة لعشاق سلسلة هاري بوتر.. نيتفليكس غادي تحيدها نهائيا من المنصة ديالها فهاذ التاريخ

وكالات//

علنات “نتفليكس” على التاريخ اللي غادي تحيد فيه سلسلة أفلام هاري بوتر كاملة من المنصّة، وبهذا غادي تسالي رحلة المشتركين مع هاد العالم ديال السحر من بعد عامين فقط منّين زادو أول مجموعة.

ومتوقّع أن السلسلة كاملة تغادر المنصّة نهار الخميس 1 يناير 2026، قبل ما يستقبلو المشاهدين عام جديد بلا مغامرات هاري واصحابو.

وماشي غير سلسلة هاري بوتر اللي غادي تتحيّد، حتى سلسلة الأفلام المشتقة Fantastic Beasts  اللي كيلعب فيها إيدي ريدماين غادي تغادر المنصة هي أيضًا.

ورغم مرور السنين على إصدار آخر جزء من “مقدسات الموت”، باقي هاري بوتر محافظ على المكانة ديالو كواحدة من أعظم الظواهر الثقافية، والمعجبين كيعتابروه “أعظم سلسلة أفلام فالتاريخ” و”واحدة من أحسن القصص اللي تكتبات”.

وعالم السحرة باقي كيخلق الاهتمام، خصوصًا مع السلسلة التلفزية ديال هاري بوتر اللي كاتوجد ليها HBO واللي متوقع تخرج فـ 2027؛ وهذا كيبيّن أن السحر مازال ما سالا.

إقرأ الخبر من مصدره