ترامب مزعوط ف المتحدثة باسم البيت الأبيض.. التصريحات ديالو عليها دايرا البوز (فيديو)

وكالات//

دار الرئيس الميريكاني دونالد ترامب موجة ديال الجدل بعدما بان واضح أنه معجب بزاف بمتحدثة البيت الأبيض كارولاين ليفيت، فخطاب كان المفروض يركز على الإنجازات الاقتصادية ديالو.

وفاش كان فواحد التجمع انتخابي فـ ماونت بوكونو فولاية بنسلفانيا، اللي كان كيحاول فيه يبرّز “النجاح الاقتصادي” ديال إدارته، خرج ترامب على سياق الكلام وبدأ كيقول مديح مبالغ فيه لليفيت (28 عام)، وقال: “جبنا معانا النجمة ديالنا اليوم، كارولاين. واش ماشي زوينة؟ واش كارولاين ماشي زوينة؟”.

وواصل ترامب يهضر على التفاصيل ديال الشكل ديالها، وبان كيركّز بالخصوص على الشفايف ديالها، وزاد دار مؤثرات صوتية باش يوصف طريقة كلامها، وهادشي خلا ردود فعل كبيرة فالسوشيال ميديا، حسب موقع”The Daily Beast”.

WOW! President Trump just gave a MASSIVE shoutout to Press Secretary Karoline Leavitt in PA

« Is Karoline GREAT? She DOMINATES. That beautiful face and those lips that don’t stop, pop pop pop, like a little machine gun! »

« She’s got no fear! You know why she has no fear? We… pic.twitter.com/kmAwm29bJi

— Eric Daugherty (@EricLDaugh) December 10, 2025

وقال ترامب: “مني كتطلع فالتلفزة، خصوصاً ففوكس، كيولّيو مسيطرين مزيان، خصوصاً مني كتطلع كارولاين بذاك الوجه الزوين وتلك الشفايف اللي ما كيسالاو، بحال رشاش صغير”.

وزاد الرئيس الأمريكي قال إن ليفيت “ما كتخافش”، حيت كتهضر وتدافع على سياسات كيعتبرها صحيحة، وبدا كيعطي أمثلة على المواقف ديالها من قضايا بحال مشاركة الرجال فرياضات النساء، وقضايا المتحوّلين، والسيطرة على الحدود الأمريكية.

وبان أن اهتمام ترامب بليفيت ماشي جديد، حيت حتى فغشت اللي فات قال نفس الهضرة عليها فمقابلة مع “نيوزماكس”، وقال بأنها “إنسانة رائعة، وما كنعتقدش شي رئيس كان عندو سكرتيرة صحفية أحسن منها”.

إقرأ الخبر من مصدره