صطحات طوموبيل وسط لوطوروت.. كسيدة غريبة ديال طيارة ف فلوريدا المريكانية (فيديو)

وكالات//

عرفات واحد لوطوروت فجزيرة ميريت بولاية فلوريدا حادث غريب، بحيث اضطرّات طيّارة صغيرة تهبط اضطرارياً فوق واحد الطموبيل اللي كانت غادية في الطريقب، قبل ما تزلق وتوقف فوسط الطريق.

وقالت السلطات بللي الطيّارة، من نوع بيتشكرافت 55 بجناحين ثابتين، بلّغات قبل ما تهبط على عطل فالمحرك.

Plane Crash-Lands on Top of car on Florida Freeway After Engine Failure

According to the Federal Aviation Administration (FAA), the fixed-wing Beechcraft 55 reported engine trouble and attempted an emergency landing on Interstate-95 in Merritt Island around 5:45 p.m.… pic.twitter.com/fX5zHzk3rV

— Sandeep Panwar (@tweet_sandeep) December 10, 2025

على حساب ماقالت تقارير محلية، الطيّارة ضربات سيارة طويوطا كامري موديل 2023 فاش كانت كتجرب تهبط، ونجاو جوج رجال اللي كانو فالطيارة، بجوجهم عندهم 27 عام، وما تصاب حتى واحد منهم.

أما السائقة ديال الكامري، عندها 57 عام، هزوها للسبيطار بإصابات خفيفة.

والمقاطع اللي كاينة فالفيديوهات اللي تداولو فالسوشيال ميديا باينة فيها الطيارة وهي نازلة فالاتجاه ديال الطريق السريع، والسيارة الكامري غادية فمسارها، قبل ما يصطدمو، وطيارة تزلق على الطريق حتى ولات واقفة.

واستاجبات فرق الطوارئ بسرعة باش يأمّنو المكان ويديرو الإسعافات الضرورية، والتحقيقات ما زال مستمرة باش يعرفو السبب ديال عطل المحرك والظروف اللي خلات الهبوط يكون بهاد الطريقة.

إقرأ الخبر من مصدره