وكالات//
وقّفات النجمة العالمية ليدي غاغا فقرات الحفل الغنائي ديالها فـ أستراليا مؤقتاً، من بعد ما طاح واحد من الراقصين ديالها من فوق خشبة المسرح وسط العرض، فمشهد توثّق ففيديوهات تفرقات فـ منصّتي “إكس” و“تيك توك‘‘.
وظهرت ليدي غاغا، اللي عندها 39 عام، وهي كتوقّف الحفل ديالها ضمن جولة Mayhem Ball Tour فمدينة سيدني، نهار السبت مع العشية، من بعد ما تزلق واحد الراقصين بسبب الأرضية اللي كانت مشبّعة بالماء من جراء الشتا.
Lady Gaga had to interrupt the last show in Sydney because her dancer Michael slipped and fell off the stage due to the rain. She is currently taking a short break to allow her dance crew to find shoes with better grip. The show should resume soon. pic.twitter.com/HWpUlYDMDf
— LⱯDY GⱯGⱯ NOW🪞 (@ladygaganownet) December 13, 2025
وحسب جريدة “بيبول”، لقطات تصوّرات من طرف المعجبين ورّات ليدي غاغا وهي كتركض لجهة من المسرح وهي كتشدو أغنية Garden of Eden، ومن بعد طلبات من فريق العمل يوقفو العرض، طفى الضو وتحبسات الموسيقى وسط تفاعل الجمهور.
وغاغا طمّنت الحاضرين وقالت:
’’لحظة عافاكم… واش نتا بخير؟ راه وقع حادث فالمسرح، كلشي مزيان، غير صبرو شوية‘‘,
ومن بعد هبطات باش تطمّن على الراقص اللي تصاب، وتعانقات معاه، قبل ما يعاودو يوجدو المسرح ويكمّلو العرض.