كود الرباط//
فالأيام الأخيرة، تداوَل فوسائل التواصل الاجتماعي واحد الفيديو كيهضر على الفيضانات فالمغرب، وخصوصاً بعد الكارثة اللي وقعات مؤخراً فـآسفي. الفيديو كيبان واقعي، والصوت اللي فيه كيهضر بطريقة مقنعة، الشي اللي خلا بزاف ديال الناس يصدقوه ويشاركوه بسرعة.
لكن الحقيقة مختلفة. بعد التحقق، تبين أن الفيديو مفبرك، والصوت للي فيه تصايب بالذكاء الاصطناعي وماشي صوت بشري حقيقي. كذلك بالنسبة لتيران مولاي عبد الله بحيث خرج فيديو كله مفبرك كيبين بلي التيران راب وغارق.
عبد الله عزوزي، مهندس عندو بلاط فورم aivoicedetector.com ، تحقق من مصداقية الصوت، للي كشف بلي الصوت تقاد بالذكاء الاصطناعي بنسبة دقة وصلت لـ 99.99%
كما هو موضح فالصورة المرفقة.
هاد الحالة كتبيّن كيفاش ولات تقنيات AI Voice Cloning، وفق تصريح المهندس عزوزي ل”كود”، قادرة تصايب محتوى كيبان حقيقي، وخصوصاً فالمواضيع الحساسة بحال الكوارث الطبيعية، اللي كتخلق الخوف والهلع وسط الناس.
كيفاش كتخدم aivoicedetector.com؟
المنصة ديال المهندس المغربي عزوزي، فهي مصممة باش تكون سهلة الاستعمال لأي شخص، سواء صحفي، باحث، أو مواطن عادي.
الاشتغال بابليكاسيون كيبدا ب رفع الملف الصوتي، بحيث المستخدم كيدخل لـ aivoicedetector.comوكيرفع أي ملف صوتي، و وكيحصل فثواني على نتيجة كتبيّن واش الصوت: حقيقي (بشري) أو مولد بالذكاء الاصطناعي مع نسبة الدقة والتفسير التقني.
إضافة Chrome، وفق عزوزي :”زدنا حتى Chrome Extension كتخلي المستخدم يفحص الفيديوهات مباشرة من: Instagram، TikTok ، YouTube، وذلك بدون تحميل الصوت أو الفيديو، بكليكي واحد كيعرف واش الصوت AI ولا حقيقي.
الكشف على الصور والفيديوهات المفبركة
إلى جانب الأصوات، يقول عزوزي بلي “طورنا منصة ثانية هي deepfakedetector.ai، والليكتخدم على:
1/ كشف الصور المزيفة
2/ تحليل الفيديوهات المفبركة
هاد الأدوات ولات ضرورية اليوم، خصوصاً مع الانتشار السريع للمحتوىالمزيف فالسوشيال ميديا.
شكون مول المنصة:
عبد الله عزوزي، مغربي، مهندس برمجيات ومقاول أعمال. أسس aivoicedetector.com و deepfakedetector.ai سنة 2022.
من داك الوقت، كيخدم يومياً باش يرفع دقة الكشف، مع مواكبة أحدث تقنيات الـ Deepfake باش يواجها، ودبا وصل لأكثر من 80 ألف مستخدم حول العالم.
منصة عزوزي كانت من أول الحلول عالمياً المتخصصة فالكشف على الأصوات المولدة بالذكاء الاصطناعي.
علاش هاد الموضوع مهم اليوم؟
لأن استغلال الذكاء الاصطناعي فمواضيع بحال الفيضانات والكوارثالطبيعية كيقدر: ينشر الخوف ويضلل الرأي العام، يخلق البلبلة وسط المواطنين.
والحل هو الوعي، مرفوق بأدوات تقنية قادرة تكشف الحقيقة.
أي صوت أو فيديو كيهدَر على كارثة طبيعية خاصو يتفحص قبل ما يتصدق أويتشارك.
واليوم، التحقق ولى ممكن وسهل باستعمال أدوات مغربية وصلت للعالمية.
الاحتيال بصوت الذكاء الاصطناعي (AI VoiceScams): كيفاش كنحميّو الناس؟
إلى جانب التضليل ونشر الأخبار الزائفة، كاين خطر آخر أخطر وهوالاحتيال المالي باستعمال الأصوات المولدة بالذكاء الاصطناعي.
اليوم، تقنيات AI Voice Cloning ولات قادرة تقلّد صوت أي واحد بدقةكبيرة، وهاد الشي تخاصرو فيه بزاف ديال الناس فدول بحال: الولايات المتحدة وبريطانيا وإسبانيا.
فين توصلو بمكالمات صوتية كتشبه صوت شي فرد من العائلة، مدير فشركة، أو مسؤول معروف.
وكيطلبو منهم يحولو فلوس بشكل مستعجل، وبزاف ديال الضحايا خسرو مبالغ مالية كبيرة قبل ما يكتاشفو أن الصوت مزيف ومولد بالذكاء الاصطناعي.
كيفاش كنساهمو فالحماية من هاد النوع ديال النصب؟
من خلال aivoicedetector.com، كنوفرو حلول عملية وبسيطة:
1/ أي صوت مشكوك فيه يمكن يتفحص قبل اتخاذ أي قرار مالي
2/ الصحفيين والشركات يقدرو يتحققو من المكالمات الصوتية المسجلة
إضافة Chrome كتسمح بفحص الأصوات فالفيديوهات المنتشرةفالسوشيال ميديا مباشرة
الهدف ديالنا هو نخليو الناس: ما تتسرعش، ما تثقش فالصوت بوحدو، وتستعمل التكنولوجيا باش تحمي راسها.