بعدما طلقات الموسم الأول ديالها.. نتفليكس غادي توقف عرض مسلسل “مخبأ المليارديرات”

وكالات//

علنات منصة نتفليكس باللي ما غاديش تنتج موسم ثاني من المسلسل الإسباني الجديد “مخبأ المليارديرات”، اللي وصفوه النقاد والجمهور بأنه مناسب لعشّاق مسلسلات بحال “لا كاسا دي بابيل”.

هاد المسلسل كتب السيناريو ديالو أليكس بينا، اللي هو نفس المبدع ديال لا كاسا دي بابيل، وكيروي قصة مجموعة ديال المليارديرات اللي كيتخبّاو فملجأ تحت الأرض معروف باسم “كيميرا أندرجراوند بارك”، باش يحميو راسهم من حرب نووية محتملة.

العمل حقق نجاح متوسط فعدد المشاهدات، حيث وصل لـ 152 مليون ساعة مشاهدة وقرابة 20.7 مليون مشاهدة كاملة، وبقى ضمن أفضل 10 مسلسلات فنتفليكس لمدة أربعة أسابيع متتابعة ما بين 14 شتنبر و12 أكتوبر.

ورغم هاد الشي، المسلسل ما عجبش النقاد بزاف، حيث خدّاو تقييم ضعيف ديال 33% فموقع Rotten Tomatoes.

وحسب جريدة “إل باييس” الإسبانية، مجموعات التصوير فإسبانيا بدات فعلاً كتتفكك من بعد قرار الإلغاء، ووصفت المسلسل بأنه واحد من أغلى وأكثر المشاريع طموحًا ديال نتفليكس إسبانيا.

إقرأ الخبر من مصدره