گود سبور//
توقف ماتش الترتيب ديال المركز الثالث فـ كاس العرب 2025، بين المنتخب السعودي والمنتخب الإماراتي، بسبب الظروف الجوية للي كتعرفها لعاصمة القطرية الدوحة.
وبعدما سالا الشوط الأول من الماتش بين السعودية والإمارات الملعوب فـ تيران خليفة الدولي بالعاصمة القطرية الدوحة، قرر حكم الماتش تأخير بداية الشوط الثاني بسبب الشتا الكثيرة اللي كتصب فـ التيران.
الماتش فـ البطولة العربية توقف بسبب الشتا الكثيرة كلشي تقبلها وهذا الشي جاهم عادي وبنادم گاعما تسوق، وتخايل دابا كون شي ماتش توقف فـ التيرانات المغربية بسبب الأحوال الجوية، كون كلشي كايهضر ودار فيها يدين ورجلين، كيفما وقع مؤخرا ملي جات الشتا كثيرة فـ تيران طنجة والرباط، مع العلم ان الكورة ما وقفاتش ولكن كاين اللي كايشوف غير العيوب اللي بغا يشوفها هو، واخا هذا الشي ديال الظروف الجوية راه ديما كايوقف الماتشات وفـ بلدان هربانين فـ الكورة وتنظيم المسابقات الرياضية، حيث الظروف الجوية كاتكون قاهرة.
