كود -بني ملال //
عرفات منطقة ملوية بجماعة أغبالة، اليوم 19 دجنبر 2025، مبادرة اجتماعية مهمة شرفات عليها مؤسسة محمد الخامس للتضامن ، تمثلات ف توزيع مجموعة من الإعانات والدعم غادية للأسر المعوزة والمتضررة من الهشاشة الاجتماعية فظروف مناخية قاصحة اللي كتعيشها المنطقة ،هاد الخطوة كتندرج فإطار المقاربة التضامنية اللي كتنتهجها المؤسسة، واللي الهدف منها هو تعزيز قيم التكافل الاجتماعي وتقريب المساعدات من الفئات اللي محتاجة بزاف.
هاد العملية شملات توزيع مواد غذائية أساسية، أغطية، ومستلزمات ضرورية للحياة اليومية، بهدف التخفيف من معاناة الساكنة، خصوصاً ف هاد الفترة اللي كتتميز بالبرد القاصح وقساوة الطبيعة. المبادرة استهدفت بشكل أساسي الأسر اللي عايشة أوضاع اجتماعية هشة، كبار السن، الأرامل، والأسر ذات الدخل المحدود.
المستفيدين عبروا على امتنانهم للمجهودات ديال المؤسسة، وكيأكدو أن هاد الدعم جا فالوقت المناسب وساهم ف التخفيف من صعوبات العيش فظل الظروف المناخية الصعيبة .
