كود سبور//
تعادلو منتخب مالي الخصم ديالو منتخب زامبيا، اليوم الاثنين ضمن الجولة الأولى من كاس أفريقيا “المغرب2025”، فـ الگروب واحد اللي فيه المغرب.
وسالا الماتش بين المنتخب المالي ومنتخب زامبيا بنتيجة والتعادل الإيجابي واحد لواحد بين المنتخبين، وتسناو مالي حتى للشوط الثاني وبالضبط الدقيقة 61 باش يماركيو الهدف ديال الرباح بواسطة لاسين سينايوكو، وكانو مالي يقدرو يخرجو رابحين بكثر من هدف واحد، ورا زگلو بينالتي فـ الشوط الاول، وحتى زامبيا كانو يقدرو يماركيو بكري ولكن تسناو حتى للوقت بدل الضائع وماركاو التعادل بواسطة باتسون داكا.
بهذه النتيجة خداو مالي نقط نقاط وزامبيا نقطة، ودابا محتلين المنتخبين بجوج المركز الثاني فـ الگروب الاول بفارق نقطتين عن المنتخب الوطني المغربي المتصدر للمجموعة، وهذا الشي قبل من مواجهة المغرب لمالي الجمعة المقبل ضمن الجولة الثانية.