وكالات//
فاجأت نجمة الراب الأمريكية نيكي ميناج الحاضرين فواحد التجمع ديال حزب المحافظين فولاية أريزونا، ملي حيات ذكرى الناشط اللي توفى تشارلي كيرك، واستغلات الوجود ديالها فوق المنصة باش تشيد بالرئيس الأمريكي دونالد ترامب ونائبو جيه دي فانس، ووصفتهم بـ“قدوة للشباب‘‘.
ودازت مقابلة مع ميناج خلال مؤتمر “أمريكا أولاً” التابع لمنظمة “ترنينغ بوينت يو إس إيه”، دارتها إريكا، أرملة تشارلي كيرك، وهدرت فيها على الدعم الجديد ديالها لترامب، رغم الانتقادات اللي كانت كاتوجهو من قبل، وزادت عبرات على الموقف ديالها الرافض للعنف ضد المسيحيين فنيجيريا.
https://www.instagram.com/reel/DSjcQielJZM/?utm_source=ig_embed&ig_rid=5f6e729d-b4e0-4097-b0b4-1af791f8b2e9
ودخول النجمة المرشحة لجائزة “غرامي” لحركة “خليو أمريكا عظيمة مرة أخرى” خلق اهتمام كبير، خصوصاً حيث كانت فالسابق مترددة فالموقف ديالها من الرئيس الأمريكي.
وخلال الهدرة ديالها، تهكمات ميناج على حاكم كاليفورنيا الديمقراطي غافين نيوسوم، وسمّاتو “الحثالة الجديدة”، وهو نفس اللقب اللي كان ترامب عطاه ليه من قبل، مع احتمال ترشحو وفوزو فانتخابات 2028.
وشكرت ميناج الرئيس الجمهوري ونائبو فانس، وقالت: “هاد الإدارة عامرة بناس قلوبهم طيبة وضميرهم حي، وكيخلّيوْني نفتخر بيهم. نائب الرئيس كيخلّيني… حسناً، أنا كنحبهم بجوج. بجوجهم عندهم قدرة فريدة يخليوك تحس براسك قريب ليهم‘‘.
ووقع موقف محرج فظهورها، ملي وصفت فانس بـ“القاتل” وهي باغية تشيد بالقدرات السياسية ديالو، وهاد الشي خلاها توقف وتعتذر وسط همهمات الحاضرين.