والله ما نكيتي فرنسا: دزايري هركاوي شبع سبان فبلويس دباريس والجزائر رفضات ترحيلو (فيديو)

كود – لوفيغارو//

فباريس ليلة لبارح تيكتوكر دزايري اسمو مهدي ب. تشد بعدما كان كيهدد ويسب البوليس بدارجة فمركز شاتليه ليه هال التجاري، الحادثة بدات من بعد تفتيش روتيني فالزنقة، مهدي بدا كيصور الفيديو ديالو ونشرو على “تيك توك”، وشافوه أكثر من 1.4 مليون متابع.

مهدي ب. كان كيقول جمل خايبة بحال: “هذا الشرطي مثلي” وبدا كيسب فالجمهورية الفرنسية، وحتى طلب من صحابو يضربو شي بوليسية، قبل الاعتقال نشر فيديو آخر كيهدد “والله، منخوي فرنسا. غنبقى هنا”.

هاد الشاب كان محكوم عليه فيناير بالحبس 8 شهور بسبب فيديو آخر عندو علاقة بالإرهاب، من بعد ما صدر ف حقو أمر باش يخوي فرنسا، وحاولو يرحلوه للجزائر، ولكن الجزائر رفضات تستقبلو، وزارة الداخلية قالت إن الترحيل ما ما تمش بسبب انقطاع الاتصال مع الجزائر العاصمة، بعد ما خرج من مركز الاحتجاز الإداري دارو ليه إقامة جبرية.

ضباط الأمن الإقليمي اعتقلوه مرة أخرى وحطوه تحت الحراسة القضائية بتهمة “ازدراء المحكمة”. القضية هزات بزاف ديال الناس وخلقات تعليقات كثيرة على وسائل التواصل، والسلطات خذات الإجراءات القانونية كاملة.

https://www.facebook.com/share/r/1HD2d5XpwR/

إقرأ الخبر من مصدره