كود -كازا //
لجنة دعم إنتاج الأعمال السينمائية فالمغرب، اللي دارت دورتها الثالثة لعام 2025 بين 11 و21 دجنبر، كشفات اليوم الأربعاء على المشاريع ديال الأفلام اللي غادي تستافد من الدعم قبل وما بعد الإنتاج.
حسب البلاغ ديال المركز السينمائي المغربي، اللجنة درسات فيلم طويل واحد بعد الإنتاج، زوج أفلام قصيرة بعد الإنتاج، و51 مشروع فيلم طويل روائي ووثائقي قبل الإنتاج، 8 مشاريع أفلام قصيرة قبل الإنتاج، و20 مشروع سيناريو لدعم الكتابة.
اما الأفلام الوثائقية على الثقافة والتاريخ والفضاء الصحراوي الحساني، اللجنة تدارسات فيلم واحد مورا الإنتاج و25 مشروع قبل الإنتاج.
– التسبيق على المداخيل مورا الإنتاج غاتكون هكا:
100 ألف درهم للفيلم القصير الروائي LE REGRET /ندم
100 ألف درهم للفيلم القصير الروائي RAKM MAJHOUL /رقم مجهول
ـ التسبيق على المداخيل قبل الإنتاج:
3.700.000 درهم للفيلم الطويل COURS, ET SANS TRISTESSE
3.500.000 درهم للفيلم الطويل LES PATISSIERES DE OKACHA
3.100.000 درهم للفيلم الطويل LA CORDE
2.700.000 درهم للفيلم الطويل MAMAN JE T’AIME / يما نبغيك
2.500.000 درهم للفيلم الطويل NULLE PART AILLEURS QU’ICI / لا مكان غير هنا
2.500.000 درهم للفيلم الطويل الضحك ورا الميت خسارة
الأفلام القصيرة
200.000 درهم للفيلم THE LAST MOVE / حرب الرقعة
200.000 درهم للفيلم DES ÂMES MES COUPABLES / أرواح مذنبة
أما فدعم كتابة السيناريو وإعادة الكتابة:
بين 80 و100 ألف درهم للمشاريع المختلفة، منها LE DERNIER LION، AWISHA & AL-HARAZ، DORIGIN، وPOTES
الأفلام الوثائقية الصحراوية
بعد الإنتاج: 200.000 درهم للفيلم لغدير
قبل الإنتاج: بين 750.000 و800.000 درهم لمشاريع بحال الذهب، DAILOL / ديلول، CAMPANIA / الكوبانية، وL’EAU DE NOE
إعادة كتابة السيناريو: 50.000 درهم للفيلم رحلة الترفاس
وخا هاد الأرقام المهمة للمشاريع اللي غادي تستافد من الدعم، ناقدين فنيين كيستاءلو على اشنوهي المعايير الدقيقة اللي كتستعملها اللجنة باش تختار المشاريع؟ واش كيتاخدو بعين الاعتبار الجودة الفنية، القيمة الثقافية، ولا غير القدرات الإنتاجية للشركات المقدمة؟ هاد التساؤل يبقى مفتوح باش الجمهور يعرف كفاش كيتوزع الدعم على السينما المغربية.